З 9 да 11 красавіка 2021 года на р. Асташанцы ў в. Нямнова Гродзенскай вобласці праводзіліся Рэспубліканскія спаборніцтвы па турысцка-прыкладным шматбор'і ў тэхніцы воднага турызму "Нёманская вясна-2021». Каманда Віцебскай вобласці, у складзе якой выступалі прадстаўнікі Лепельскага раёна, прымала ўдзел у спаборніцтвах.
Спецыяліст па турызме ГПУ «Бярэзінскі біясферны запаведнік» Аляксей Багавец ў класе судоў К-2 на дыстанцыі "Слалам" заняў трэцяе месца ў асабістым заліку. За плячыма нашага супрацоўніка - тысячы кіламетраў, пройдзеных па водных маршрутах запаведнай тэрыторыі ў рамках правядзення байдарачных экатураў. Віншуем Аляксея з такім высокім вынікам і жадаем яму далейшых поспехаў у сваёй прафесійнай дзейнасці і шмат новых спартыўных перамог!
